نعرض لكم زوارنا أهم وأحدث تفاصيل خبر مكنتش متوقعة أن الأغنية هتنجح.. أول تعليق من بوسي بعد تصدرها ترند تيك توك بأغنيتها الأخيرة في المقال التالي
أحمد جودة - القاهرة - أعربت المطربة يوسي عن سعادتها بتصدرها الترند عقب أغنيتها الأخيرة من مسلسل " أعلى نسبة مشاهدة"، مشيرة إلى أنها فوجئت بنجاح المسلسل والأغنية
قالت بوسي خلال لقائها مع برنامج عرب وود:' مكنتش متوقعة أن الأغنية هتطلع ترند لأنها أغنية دراما وكئيبة بس احنا شعب بيموت في الدراما أساسا، الأغنية اتعملت على قصة المسلسل لأنه كان بيحكي عن البنت اللي الظروف خدتها في سكة السوشيال ميديا وبعدين اترمت على جوازة غصب عنها فهي كان ليها سيناريو خاص بيها.
أضافت:' البنات خدتها على تجاربها في الحياة والجواز بس في حاجات كتير في الحياة أسوأ بكتير من الجواز، يعني أحيانا في حاجات ممكن تتعرضي ليها أسوا من الجواز وتاخديها على الأغنية دي.
كلمات أغنية “دنيا جديدة” لـ بوسي
لما حلمت بدنيا جديدة
خدني الحلم لسكة بعيدة
وبعت الكل عشان أحلامي
فكرت إن أنا هبقى سعيدة
معرفتش أحسب على مهلي
لما لقيت حلمي بيندهلي
بعت اخواتي وأبويا وأهلي
ولقيت نفسي فجأة وحيدة
يغور كل دة
لو التمن قلة رضا
يا أبويا كنت منعتني
يغور كل دة
لو التمن قلة رضا
حلمي اللي كان بيشدني
خلاني أسيب جنة رضاك
وجاية بمد إيديا خدوني
في حضنكو شوية
وجاية بمد إيديا خدوني
في حضنكو شوية
جيالكم ياللي نصحتوني
سيبتكم والاوهام شدوني
رجعالكم علشان تشوفوني
وانا بدفع للدنيا ديوني
من جرحي ومن دمع عيوني
وعلى قد الايام ما ادوني
ومن غيركوا في دنيتي تعبانة
يغور كل دة
لو التمن قلة رضا
يا أبويا كنت منعتني
وأنا مش معاك الكون هلاك
يغور كل دة
لو التمن قلة رضا
حلمي اللي كان بيشدني
خلاني أسيب جنة رضاك
وجاية بمد إيديا خدوني
في حضنكو شوية
وجاية بمد إيديا خدوني
في حضنكو شوية
