القاهرة - محمد ابراهيم - طرحت مساء أمس أحدي شركات الإتصالات حملتها الإعلانية الجديدة وقد استعانت في حملتها لهذا العام بالفنان تامر حسني والفنان بهاء سلطان ليجتمعوا معًا مجددًا بعد 21 عامًا من آخر كليب جمع الثنائي معًا وهو كليب "قوم أقف" الذي طرح في عام 2003.
وقد قدم الثنائي أغنية في عام 2006 وهي بعنوان "راجعلي ليه" وهي من المفترض أنها دويتو يجمع بينهم ولكن قد كشف نجم الجيل تامر حسني في لقاءه مع الإعلامية مني الشاذلي أنه هو من قام بغناء الأغنية كاملة.
حيث كشف في تصريحات عام 2021 مع الإعلامية مني الشاذلي وفجأها تامر حسني بإجابته أن بهاء لم يغني فيه بشكل فعلي، إذ قرر بهاء في يوم التسجيل ألا يُجيب على هاتفه، واضطر تامر حسني، تسجيل الأغنية بنفسه وتقليد صوت بهاء سلطان، وتفاجئت منى الشاذلي بتصريحات تامر حسني.
تفاصيل أغنية "معلمين"
وفي سياق متصل يذكر أن أغنية "معلمين" قد ظهر في الكليب الخاص بها كلًا من الفنان تامر حسني والفنان بهاء سلطان وظهور خاص للفنانة دارين حداد وكارولين عزمي.
وشهد الإعلان والأغنية أجواء مُبهجة معبرة عن فصل الصيف، مما جعل الجمهور يحبها كثيرًا ويتناولها بشكل كبير عبر جميع مواقع التواصل الإجتماعي.
كلمات أغنية "معلمين" لـ تامر حسني وبهاء سلطان
ما هو مش كده
ما هو برضه ميصحش نكون جامدين كده
جامدين أو ي ورايقين أو ي
ومعلمين على ناس أو ي
مش ذنبنا يشيلوا مننا
وحاجات كده كده كده
لما القمر يبان عادي يكتر الكلام
خلوا اللي يقول يقول
ما هو مين ده يوقعه
مش باين صوتكوا ليه
ولا إحنا فوق أو ي
طب واقفين تحت ليه
ما تيجولنا ما تطلعوا
زعلت.. طب معلش
لا متقفش.. طيب حاضر
طب هاعمل عادي
مش عايزك تزعل
أنا عايزك فاكك
أنا عايزك رايق
أنا عايزك هادي
ده في جز وزمزقة
ده في بص وبحلقة
لا ده إحنا معلمين على ناس كتير
كتير بقى
يا ساتر مش كده
دي خلاص بانت كده
لا ده إحنا معلمين على ناس كتير
كتير كده.. مين ها
مش سامعين صوتكوا ليه
هنعلي على اللي يعلي علينا وهنعلم عليه
ما تعلو الطبلة شوية
كده ولعت ولا إيه
مين ها.. مش سامعين صوتكوا ليه
هنعلي على اللي يعلي علينا وهنعلم عليه
لينا في الجمدان علامات
عننا بيقولوا حكايات
ده كلامكوا تمامه سكات
ولا مين يهزنا
علينا سقف الولعان
جمدان وعليه جمدان
وإن عوزتوا نعلي كمان
هنعلي وتزعلوا مننا
طب معلش.. لا متقفش
طيب حاضر.. طب هاعمل عادي
مش عايزك تزعل أبدا
أنا عايزك فاكك خالص
أنا عايزك رايق كده
أنا عايزك هادي هادي
ده في جز وزمزقة
ده في بص وبحلقة
لا ده إحنا معلمين على ناس كتير كتير بقى
يا ساتر مش كده
دي خلاص بانت كده
لا ده إحنا معلمين على ناس كتير كتير كده
مين ها.. مش سامعين صوتكوا ليه
هنعلي على اللي يعلي علينا وهنعلم عليه
ما تعلو الطبلة شوية
كده ولعت ولا إيه
مين ها.. مش سامعين صوتكوا ليه
هنعلي على اللي يعلي علينا وهنعلم عليه
