أحمد جودة - القاهرة - كشفت المطربة لطيفة عن سعادتها بنجاح كليبات ألبومها الجديد وتخطي نسبة مشاهدة عالية حيث حققت  أكثر من 10 ملايين مشاهدة، منذ طرحها.

وشاركت لطيفة متابعيها على موقع تبادل الصور والفيديوهات «إنستجرام» مقطع فيديو، معلقة: «10 ملايين مشاهدة لأول 5 كليبات من ألبوم مفيش ممنوع في أقل من 5 أيام قد إيه أنا سعيدة وفرحانة من كل قلبي بكل رد الفعل اللي وصلي وأرقام المشاهدات على اليوتيوب، وأرائكم وحبكم للأغاني.. بحبكم واستنوا باقي الكليبات الأيام الجاية».

ومن جانبه، تواصل النجمة لطيفة طرح كليبات ألبومها "مفيش ممنوع"، إذ طرحت كليب أغنية "مطول الوجع" سادس أغاني الألبوم عبر قناتها الرسمية بموقع الفيديوهات العالمي يوتيوب، والأغنية تميل للطابع الدرامي، وهي من كلمات حسام سعيد، وألحان محمود أنور، وتوزيع تميم، وإخراج شريف ترحيني.

كلمات أغنية مطول الوجع

وتقول كلمات أغنية مطول الوجع

مطول الوجع شكله.. ولسه مطوله مشاكله
ومش عارفه هفوق امتى من اللي انا فيه

مشفتش راحه كن بعده.. وبقى كله شبه بعضه 
وأي محاولة للنسيان بتفشل ليه

مسبتش حد جه قدامي مسألتوش.. بينسى إزاي ولو في مكاني يعمل ايه
عملت اللي قالوه كله ومنستهوش.. بقيت بالعكس عماله أكتر أفكر فيه

في حاجة ف دنيتي ناقصة.. وحرفيا أنا ف كارثة 
عشان ده بجد كل حياتي واقفه عليه

حياتي أنا كان مرتبها.. مقاليش بعد ما يسيبها 
هكمل بعد منه إزاي وهعمل إيه!

تفاصيل ألبوم لطيفة

الجدير بالذكر إن ألبوم "مفيش ممنوع" للنجمة لطيفة يضم 10 أغاني، وطرحته كاملا عبر كافة منصات الموسيقى، كما تطرح يوميا فيديو كليب من أغاني الألبوم، إذ صورت أغاني الألبوم كاملة، ومنها 6 أغاني بالذكاء الاصطناعي Ai مع المخرج وليد ناصيف، وأغنيتين مع المخرج شريف ترحيني، وأغنية مع المخرج جميل جميل المغازي.